Tukang Kawil
Wat meghanai
sikep,rasanno unggal panas ngawil. Io teppik sayan di sapeu paghek batangharei
.Selayin ngawil ,Meghanai ijo nanem puttei. Akkit puttei ino dijualno adek
pasar, dibeleiken kambing.
Suateu ketiko,
meghanai ijo ngipei. Lem ngipeino, lamun io ngawil makai uppan balak, hasilno
balak munih. Meghanai ijo lajeu minjak mikerken rettei ngipeino. Tigeh tukuk io
mak pedem .
Anjak tukuk
meghanai ijo kakminjak . Io lapah ngakuk kambing sai apai dibeleino berebbei.
Kambing ino dibono adek batangharei, dibeghekkenno tigeh matei. Kambing sai kak
matei ino dijadeikenno uppan ngawil. Kawil sai dipakai meghanai ijo balak
,benangno kelak. Kelak ino diikekno di batang bungui.
Kak tigo
bingei tigo panas kawil ino tetajur, anying unggal dilangaino mak ngemik
nyo-nyo, selayen anajak bakkai kambing. Anying,io yakin temmen jamo ngippeino.
Panas sai
keepak,meghanai ijo lapah kupek ngelangai kawilno. Dinahno kawilno kecceng
temmen. Batang bungui pak ngikekken kawil ino beguyang-guyang. Watteu
ditaghikno, upono issei kawil ino cumo puttei matah setundun. Puttei ino dibono
mulang, dipikkenno paghek tukkeu. Io yakin bahwo puttei ino layen puttei biaso.
Geggeh
biasano,meghanai ijo anjak tukuk kak lapah ngawil, debbei appai io mulang.
Tigeh di nuwo ,dinahno di unggak mijo kak ngemik bemacem macem makanan. Io
hiran
Telittas di pikiranno bahwo makanan ijo pengejuk
famileino sai temmet atei jamo io .
Jimmehno,watteu meghanai ijo mulang anjak ngawil,dinahno di unggak mijo
kak wat kupek makanan geggeh berebbei. Kejadian ijo beulang ulang ghadeu
pepigho panas. Io mulai curigo.
Panas kelimo,tukang
kawil ijo makmulang gegeh biasaono. Lagei muas io kak mulang. Tigeh dinuwo, io
mak lajeu kughuk , kidang temeggei di luah. Io ngittip sai tejadei di lem
nuwono. Didapur dinah tukang kawil ijo wat mulei sikeolagei ngekuk. Paghek
mulei ino kak karei bemacem macem makanan. Puttei sai dipikkenno paghek tukkkeu
cumo tinggal babakno. Mak munnei anjak san dinahno mulei ino maghekei babak
puttei teghus aghat. Anjak san io pandai sapo sai ngareiken makanan sai dikanno
ghadeu pepigho panas ijo.
Jimmehno,
mulang anjak ngawil, tukang kawil ijo ngittip kuppek. Watteu mulei sai dinahno
ngebo makanan adek lem, io kughuk ngakuk babak puttei paghek tukkeu.babak ino
dibono bejajak, dicappakkenno adek batangharei. Seghadeu ino, io bejajak kupek
mulangadek nuwo. Tigeh di nuwo, dinahno mulei ijo pagun wat di san. Mulei ijo
temeggei kebingungan ngunut babak puttei pek asalno. Ketiko ino munih,tukang
kawil ijo lajeu ngejelasken bahwo babak puttei ino kak dicappakkenno di
batangharei. Mittar anjak san ,mulei ijo lajeu nettep di nuwo meghanai ino.
Akhirno, tiyan wo nikah.
Sumber:A. Effendi Sanusi
1. Bacalah teks
wawaghahan” Tukang Kawil “!
2. Tentukan unsur intrinsiknya
Tidak ada komentar:
Posting Komentar