Lampung8

VIIIB

SEGUBAL

    Meskipun Cuma beghupa kue ketan sai di bungkus jama bulung punti gawoh,segubal ngedok makna dilom masyarakat lampung.Penganan sinji ngeghupako bagian simbol anjak tradisi adat sai penting dilom masyarakat lampung.

    Segubal sinji sejajar jama kue lapis legit ghik engkak ketan sebagai sajian wajib masyarakat lampung.Guwai ulun lampung,kue-kue sinji iyulah piil  tiyan sai ngebidako jama masyarakat lainni.

    Kue-kue sinji nyiptako kekangenan tersendiri,ulih Cuma wat saat lebaran ghik acara-acara adat.Lidah ulun lampung sina ghadu familiar jama kue-kue sinji.Lamun makngedok disepok,kidang mak wat sai haga ngelestarikoni.Akhirni kue ulun lampung sinji di guwai jama ulun sai lain lampung.Ghasani jadi aneh-aneh.

    Tumbai,saat gawi-gawi adat di daerah sai masyarakat lampungni nayah,sai pagun kuat adat istiadatni, telu jenis penganan sinji wajib wat.Saat pemilik gawi nyajiko penganan guwai tokoh-tokoh adat maupun tetamuni, ki mak ngedok telu penganan sinji,maka jadi umungan bahkan cibiran .Atau ketika telu jenis kue sinji wat kidang ghasani mak sesuai,maka sinji dapok ngeghupako aib.

    Penganan sinji munih ghisok dijadiko sesan(buah tangan) pada saat ulun lampung haga ngelamar   atau haga ngantakko calon pengantin menikah.Waktu manjau mengian(pengantin pria lampung bertandang mit lamban kerabat majuni),kue sinji munih musti wat ghik jadi sajian semakkung nyeghuit.

    Kidang,lambat laun,kue-kue sinjisemakin teghgerus jama gempughan beghbagai macom kue-kue modren.Segubal,legit jama kue engkak dianggop sebagai kue jadul sai di anggop mak penting- penting nihan dilom sajian.

    Ganta payu gham jama-jama nyuba ngeguwai segubal, tagan kue sinji tetop dapok lestaghi di pok gham sai bumi ghuwa jughai.

                            

   Resep Kue Segubal

   Bahan-bahan:

1.biyas ketan handak 1kg

2.santan secukupni(jak 2 biji kelapa)

3.bulung punti ngugha secukupni

4.uyah secukupni

5.bulung salam  7 lembagh

6.serai 3 batang

 

 Cara ngeguwai:

1.biyas ketan dicuci ampai beghsih, di aron jama santan,juk uyah,bulung salam  ghik batang serai.

2.seghadu wai santan keghing angkat, kughukko dilom dandang laju di kukus kigha-kigha 25 menit.

3.ki ghadu matang angkat,buang bulung salam jama batang seraini laju  ketan dikughukko dilom bulung punti sai  ghadu dibentuk bundogh lonjong(ngebentukni  makai bambu)caghani cutuk-cutik makai sudu ghik dijuk batasan makai bulung punti sai ghadu digunting bundogh- bundogh.

4.ki ghadu dibungkus unyin, ikot sai- sai makai tali plastik kenyin kuat ghik ketan mak

 betaburan.

5.ghebus ketan sai  ghadu dibungkus selama kughang lebih 5 jam,jama apui sedong.

6.seghadu 5 jam ,angkat tighisko,sajiko kigha-kigha guwai 12  jelma.

Selamat nyuba ngeguwaini ghik nikmatini yu.

 

Tulis dan selesaikan soal-soal berikut!

Tuliskan nama dan kelas.

1.sebutko nom bahan-bahan ngeguwai segubal!

2.biayas api sai dipakai ngeguwai segubal!

3.bulung api sai digunako guwai ngebungkus segubal?

4.kenyin segubal wat ghasa gurih peghlu dijuk api?

5.selain gurih segubal teghasa khas aromani,ulih segubal dijuk jama api?

6.gohpa langkah peghtama amun haga ngeguwai segubal ?

7.pigha jam segubal dikukus ghik pigha jam direbus?  

8 ulah api segubal musti diikot semakkung di rebus?