Kelas IX

Assalamualaikum...

Dirumah saja selalu jaga kesehatan, cuci tangan dengan sabun dan jangan lupa beribadah kepada Alloh SWT.

Berita adalah informasi tentang peristiwa terkini. Ini dapat diberikan melalui banyak media yang berbeda: dari mulut ke mulut, percetakan, sistem pos, penyiaran, komunikasi elektronik, atau melalui kesaksian para pengamat dan saksi peristiwa.

Berita yang baik mengandung unsur-unsur sebagai berikut:

Apa : Tema berita
Siapa : Pelaku berita
Kapan : Waktu terjadinya berita
Di mana : Tempat terjadinya berita
Mengapa : Latar belakang terjadinya berita
Bagaimana : Proses terjadinya berita

Tugas kuti iyulah:

Dengiko/nuntun berita anjak media elektronik (Radio, TV atau media elektronik lainya). khaduni tulisko isi anjak berita sai niku dengiko/nuntun daleh foto pas lagi nuntun berita.

Isi berita sai harus dirangkum iyulah;

Api tema beritani?
Sapa tokoh dilom berita?
Kapan terjadini berita?
Dipa pok terjadini berita?

Kirimko liwat WA langsung ke ibu. Terimakasih.

Wassalamualaikum...

Kelas VIII

Assalamualaikum...

Dirumah saja selalu jaga kesehatan, cuci tangan dengan sabun dan jangan lupa beribadah kepada Alloh SWT.

Pepaccur/Pepaccogh/Wawancan

Kebiasaan adat masyarakat Lampung, ki tiyan ghadu ngajong keghuani haga mansa gelar adat (adok) sebagai tanda kehormatan bagi tiyan. Adok sinji diterima tiyan anjak klan epak ghik klan emak. Pengenaian adok sina dilapahko di lom upacara adat sai dikenal jama istilah ngamai ghik ngini adek guwai lingkungan masyarakat Lampung dialek O. Ngamai ghik ngini adok guwai lingkungan masyarakat Lampung dialek A, kebaghan adok atau nguwahko adok guwai lingkungan masyarakat Lampung dialek A Pesisir. Ngamai digunako guwai maju ragah, nginai guwai maju sebai.

Seghadu sepasang maju sina dikeni adok tiyan mansa nasehat atau luhot-luhot. Nasihat ghik luhot-luhot sina disampaiko di lom bentuk puisi sai dikenal jama istilah pepaccur guwai lingkungan masyarakat Lampung dialek O. Istilah pepaccogh guwai lingkungan masyarakat Lampung dialek A, ghik istilah wawancan guwai lingkungan masyarakat Lampung dialek A Pesisir.

Jelma sai nyappaiko pepaccur iyulah jelma sai ngedok kemampuan sina. Puisi pepaccur sina disappaiko jama bedendang atau berlagu, tiyan sai ngedengi iramani dapok mahaman hati.

a. Bentuk ghik isi pepaccur

Bentuk puisi pepaccur iyulah berbait-bait. Setiap baitni wat 4 - 6 baris kalimat . jumlah baitni tergantung lamonni isi nasihat sai di sappaiko. Srtuktur pepaccur dapok dikelompokko di lom bentuk puisi tradisional gegoh syair. Unggal baitni ngerupako isi pepaccur. Pola sajakni bervariasi wat sai ab-ab wat munih sai abc-abc. Isi pepaccur sina behubungn jama nasihat ughik mekajong, bumasyarakat, bebangsa, cenegara ghik beagama.

b. Fungsi pepaccur

Pepaccur ngedok fungsi: 1) sebagai media penyampaian luhot atau amanat,2) befungsi sebagai media guwai ngelestariko bahasa ghik sastra Lampung.

c. Contoh pepaccogh guwai ngamai ghik ngini adek anjak batangan

1. Adok sai ragah : Jaya Umpuan Mega

2. Adok sai sebai : Inaini Inai Ratu

Adekni Ratu Mahkota

Dialek A

1) Syukur alhamdullilah 6) hubungan gham di luwah

Tigoh judumu ganta ina perlu dibina

Dendang segala badan perlu sakai sambaian

Kekalau kutighua tuwah najin kak sumang badan

Ina sai ghupa dua pagun juga beguna

Kiluian haguk Tuhan tetangga kiri kanan

2) Siji ngedok amanah 7) tungga hulun sai susah

Tetuju di kuti ghua tesambat pudak waya

Anjak kaban kemaman unjak ki lagi badan

Cuba dipilah-pilah pudak selalu wewah

Ki bakal ngedok guna tehadop sapa juga

Akuk jadi angguan betikko laku sai supan

3) Pertama, beibadah 8) adik waghimu nyah

Sembahyang waktu lima sai di udi atau sai di ja

Dang sappai ketinggalan unyin perlu nihan bimbingan

Kirim munih fatehah jadi anak tuha mak mudah

Tehadap sai kak mena ia musti bijaksana

Kipak sai lagi tengan di lom segala tindakan

4) Suwa pungu tengadah 9) basing ghupa maslah

Kilu ampun dusa perlu berencana

Serta selamat badan jama kaban wewarian

Najin mak dacok kiwah najin sepuluh mudah

Cukuplah sederhana sebelas gham betanya

Asal mak kekurangan mangi mak salah jalan

5) Basa kukut gham lapah 10) siji akhir petuah

Dagu dang ghang laya ingokko dang lupa

Mata ngeliyak lakahan akuk jadi anggunan

Api sai dihatok pindah api maknani kidah

Anjak alam dunia seghom mati di gula

Selayin kain kafan pahomko kuti sayan

Sumber: A. Effendi Sanusi

Tugas kuti iyulah:

1. Bentuk puisi pepaccur iyulah ….

a. Pidato

b. Prosa

c. Syair

d. Drama

2. Pigha jumlah baris dalam bait puisi pepaccur iyulah ….

a. 2, 4, 6,8 baris

b. 4, 6 baris

c. 8, 10 baris

d. 12, 16 baris

3. Gelar adat diterima anjaka dipa gawoh?

a. Klan apak ghik emak

b. Klan datuk ghik nyaik

c. Klan minan ghik kemaman

d. Klan kelama ghik benulung

4. Api isi puisi pepaccur sina?

a. Doa ghik nasehat

b. Amanah ghik larangan

c. Pesan ghik nasehat

d. Harapan ghik doa

5. Hal sai mak ngedok hubunganni jama isi nasehat sai dikeniko dilom puisi pepaccur iyulah …

a. Hughik berumah tangga

b. Hughik jama jelma ghamik

c. Hughik beragama

d. hughik tenggalan

Jawaban kuti kirimko liwat WA langsung ke ibu. Terimakasih.

Wassalamualaikum...

Kelas VII

Assalamualaikum...

Dirumah saja selalu jaga kesehatan, cuci tangan dengan sabun dan jangan lupa beribadah kepada Alloh SWT.

Bubalahan

Dialek A

Ghani sinji minggu peghtama sikam belajagh di SMP pokku sekulah. Pelajaghan sai ketelu iyulah pelajaghan bahasa Lampung. Gughuni sebai, wewah pudak ghik ghapi penampilanni.

Beliau ngeni salam ghik cawa jama sikam, “Api kabagh sanak-sanak ?”

Sikam nimbal jama- jama, “Betik Bu !”

Ibu Gughu cawa luwot, “Semakkung gham belajagh bahasa Lampung, nyin bangik belajaghni payu gham kenalan pai, setuju sanak-sanak !”

“Setuju…!” sikam nimbal jama-jama.

“Kesempatan sai peghtama ibu peghsilahko jama sanak sai sebai”, cawa Bu Gughu.

Hapsah sanak anjak Kenali Liwa ( Lampung Barat) beghani maju haguk depan kelas, ia cawa , “Gelaghku Hapsah, asalku anjak Liwa di pekon Kenali, umoghku ghua belas tahun, ikam tinggal jama kemamanku di Labuhan Ratu Bandar Lampung, kughang lebih 6 km anjak dija. Ikam telu muaghi. Abangku ganta di SMA kelas ghua, ghik adikku kelas lima SD. Cita–cita ikam Insya Allah haga jadi Budayawan, ulih ikam haga ngelestagiko bahasa ghik budaya Lappung.”

“Amin ….” timbal gham jama – jama.

Hapsah cawa luwot, “Ghik – ghik sapa gawoh sai haga belajagh cawa Lappung, dang liyom, cawako gawoh Insya Allah ikam dapok nulung”

Seghadu ina Hapsah lapah nuju mit mijani.

Selanjutni ibu gughu ngayun sanak sai bakas ngenalko dighi. Kelas jadi ghituk ulih sanak–sanak bingung api sai haga dicawoko lamun kenalanni makai bahasa Lampung. Masalahni di kelasku sanak sai bakas mak ngedok sai asli anjak suku Lampung.

“ Ikam Bu,…haga nyuba kenalan” cawa Usman.

“ Payu kidah Usman, silahko “ timbal Ibu Gughu

Usman maju agak nagu di depan kelas, ia kenahan liyom. Laju ia cawa.

“Gelaghku Usman, tiyuhku di Tegineneng Lampung Selatan. Ikam dapok cawa Lappung ulih di lingkungan ikam masyarakatni hampigh 80% asli suku Lampung Pubiyan. Jadi walaupun ikam lain suku asli Lappung ikam dapok cutik-cutik cawa Lappung. Ikam sekula dija ulih ikam nengis sekula dija sanakni nalom–nalom, utamani di lom pelajaghan bahasa Lappung. Ikam di laheghko tanggal 5 mei 1990, bittangku Taurus, ikam pak muaghi, ghua bakas ghik ghua sebai, ghik ikam sanak sai nomogh pak. Ikam tinggal di asrama Perwira Rajabasa Bandar Lampung. Ghadu ya…sappai di ja kenalanni, teghima kasih..”

sanak – sanak sai baghih tekagum–kagum ngeliyak Usman sai pandai cawa Lappung.

Ibu gughu geghing nihan, ulih petunggaan sikam sina nyenangko hati. Sanak-sanak dikelasku geghing neghima pelajaghan bahasa Lappung.

“ Sanak – sanak…, ulih waktuni kak bela sappai di ja pelajaghan bahasa lappung, Insya Allah minggu depan gham tungga luwot, ingok ya… dang lupa belajagh di lamban” cawa Ibu gughu jama sikam.

Mak beni laju bel bebunyi.

Tugas kuti iyulah:

Membuat video perkenalan menggunakan bahasa lampung seperti berikut

Jawaban kuti kirimko liwat WA langsung ke ibu. Terimakasih.

Wassalamualaikum...