SEGHUIT

 SEGHUIT

 

Dialek  A

     Gham seunyinni kak pandai tettang kanikan tradisional suku lappung iyulah seghuit.Seghuit sinji digeghingi sapa gawoh,sanak-sanak,meghanai,muli,emak-emak,apak-apak ghik hulun tuha.Api sebabni? Sebab kanian sinji dapok ngehatongko  ghasa bangik mengan,apilagi lamun  mawas di waktu gham lagi betoh.Ganta di mahan-mahan pok jualan kanikan nyediako kanikan sinji.

     Kandungan gizini sebanding jama pak sihat,sai teghdiri anjak kan/mi, gegulaian, sambol,bebuahan ghik iwa.Lamun dibandingko jama kanikan siap saji sai lagi ngetop,seghuit sinji lebih sihat sebab mak ngedok bahan kimiani,segar ghik alami. Ghik-ghik haga nyuba ghepa caghani ngeguwai seghuit? Sina gappang nihan,peghatiko hal-hal di bah sinji:

Porsi 5 jelma

1.Bahan-bahan

    -cabi balak 100 gram

    -cabi lunik 0,25 gram

    -tiyung melaka atau tomat 100 gram

    -bawang suluh 4 siung

    -dilan 1 biji

    -limau sate 3 buah

    -iwa secukupni,dapok iwa patin,mas, kembung, kalang,tukkul,lamon sai baghihni

    -Gegulaian(selada, kol,kemangi tiyung,leppang,bulung kikim sai ghadu dipajak,

      bulung gedang,hayum) secukupni.

    -mi/kan (1 kg)

2.Cagha nyanik/ngeguwaini

    -Kan/mi dimasak gegoh biasani

    -Gegulaian dipajak,kecuali kol,selada,leppang,tiyung lalap.

    -Cabi balak,cabi lunik ghik 4 siung bawang suluh digiling halus

    -Kughukko tiyung melaka,digiling halus

    -peghes limau sate dikughukko digilingan cabe,tiyung melaka jeno.

    -Tambahko iwa nutuk digiling sappai halus   jeno

    -Sajiko dilom keadaan kan /mi lagi hadop.

    -Dapok ditambah jama kanikan baghih sesuai jama kegeghingan/kedemonan gham

      Pesayan/tenggalan.

Dilom nikmati kanikan sinji bangikni di guwai jejama. Sebab jejama sina dapok lebih ningkatko silaturahmi,saling begughau ghik hati jadi senang.

                                                                                                               

                                                                                                

  SEGHUIT

 Dialek O

    Gham seunyinno kak pandai tettang kan`an  tradisional sekeu lappung iyulah seghuit. Seghuit ijo diilingi sapou gaweh,sanak-sanak,meghanai,mulei,emak-emak,apak-apak jamo hulun tuho. Nyou sebabno? Sebab kan`an ijo dapek megeghko ghaso iling mengan,nyou lagi lamen dawah di wattu gham lagi betteh.Tano di nuwo-nuwo pek  jualan kan`an nyediako kan`an ijo.

    Seghuit ijo begizi jamo ngandung unsur pak sihat iyolah mei, gegulaian, sambol,bebuahan jamo punyeu.Lamen dibandingko jamo kan`an siap sajei sai lagi ngetop,seghuit ijo lebih sihat sebab mak mekkou bahan kimiano,segar jamo alamei. Jamo-jamo agou nyubo geh kedou caghono ngeguwai seghuit? Ino gappang temmen,peghatiko hal-hal di deh ijo:                    

Porsi 5 jimo

1.Bahan-bahan

   -cabi balak 100 gram

   -cabi lunik 0.25 gram

   -tiyung medigho atau tomat 100 gram

   -bawang suluh 4 siung

   -dilan 1 biji

   -limau sate 3 buah

   -punyeu secukupno dapek punyeu patin,mas,kembung,kalang,tukkul,nayah lagi sai

    baghihni

   -gegulaian (selada,kol,kemangi,tiyung,leppang,bulung kikim sai ghadu di pajak,

    bulung gedang,hayum) secukupno.

   -mei (1 kg)

2.Cagho ngeguwaino

   -mei dimasak geggeh biasano

   -gegulaian di pajak, kecuali selada,kol,kemangi,leppang,tiyung lalap.

   -cabi balak,cabi lunik jamo 4 siung bawang suluh digiling halus.

   -kughukko tiyung medigho,giling halus

   -peres limau sate dikughukko digilingan cabi jamo tiyung medigho jinno.

   -tambahko punyeu nutuk digiling sappai halus dicampoghan jinno

   -sajiko dilom/dilem keadaan mei lagei  andep

   -dapek ditambah jamo mengannan baghih sesuai jamo keilingan gham sayan

Dilem ngeghasako menganan ijo bangikno lamen jejamoan sebab dilem bejamo gham dapek lebih ningkatko silaturahmi ,saling begughau, jamo atei jadei iling.

                                                                                              Sumber Mak War 2005