Lampung

Lampung
VII

MATERI/BAHAN AJAR

SMP AL AZHAR 1 BANDAR LAMPUNG

Mata Pelajaran: Bahasa Lampung

Kelas               : VII

Semester          : I (satu)/Ganjil

Jam	SK/KD	Tujuan/Capaian Indikator Pembelajaran	KBM	Sumber Belajar/ Alat Peraga	Penilaian	Hasil
1	2	3	4	5	6	7
	7.3 1 Mengidentifikasi, menelaah dan memahami teks bubalahan sesuai dengan kaidah- kaidahnya 7.4.1 Menyusun dan memperagakan teks bubalahan sesuai dengan kaidah- kaidahnyasecara  lisan dan tulisan	Sub Tema I 7.3.1.1 menyebut kosa kata untuk identitas diri sendiri di sekolah 7.3.1.2 menyebutkan kata ganti dan kosa kata sesuai konteks di sekolah 7.4.1. 1 menggunakan kosakata untuk memperkenalkan diri sesuai konteks di sekolah	-   siswa nimbal sapaan guru atau sebalikni -   perwakilan siswa nyiapko di lom bahasa lampung atau mimpin du’a memusatkan perhatian siswa -  guru nayangko  lagu perkenalan (kawan ayo kawan mari kita berkenalan, kusebut namaku dan kau sebut namamu, keraslah sedikit jangan malu-malu) -  guru nyapaiko tujuan pembelajaran . -     guru dan siswa mereview hasil pembelajaran -     guru memberikan pujian atau aplus untuk penampilan proses pembelajaran -     siswa menjawab pertanyaan kosa kata kata ganti dan identitas diri sendiri pemberian tugas untuk membuat teks perkenalan dengan kawan lain di lingkungan rumah	Buku  Hanggum Bebahasa Lampung Kelas IX

Payu Gham Kenalan

 

Dialek A

Ghani sinji minggu peghtama sikam belajagh di SMP pokku sekulah. Pelajaghan sai ketelu iyulah pelajaghan bahasa Lampung. Gughuni sebai, wewah pudak ghik ghapi penampilanni.

Beliau ngeni salam ghik cawa jama sikam, “Api kabagh sanak-sanak ?”

Sikam nimbal jama- jama, “Betik Bu !”

Ibu Gughu cawa luwot, “Semakkung gham belajagh bahasa Lampung, nyin bangik belajaghni payu gham kenalan pai, setuju sanak-sanak !”

“Setuju…!” sikam nimbal jama-jama.

“Kesempatan sai peghtama ibu peghsilahko jama sanak sai sebai”, cawa Bu Gughu.

Hapsah sanak anjak Kenali Liwa ( Lampung Barat) beghani maju haguk depan kelas, ia cawa , “Gelaghku Hapsah, asalku anjak Liwa di pekon Kenali, umoghku ghua belas tahun, ikam tinggal jama kemamanku di Labuhan Ratu Bandar Lampung, kughang lebih 6 km anjak dija. Ikam telu muaghi. Abangku ganta di SMA kelas ghua, ghik adikku kelas lima SD. Cita–cita ikam Insya Allah haga jadi Budayawan, ulih ikam haga ngelestagiko bahasa ghik budaya Lappung.”

“Amin ….” timbal gham jama – jama.

Hapsah cawa luwot, “Ghik – ghik sapa gawoh sai haga belajagh cawa Lappung, dang liyom, cawako gawoh Insya Allah ikam dapok nulung”

Seghadu ina Hapsah lapah nuju mit mijani.

Selanjutni ibu gughu ngayun sanak sai bakas ngenalko dighi. Kelas jadi ghituk ulih sanak–sanak bingung api sai haga dicawoko lamun kenalanni makai bahasa Lampung. Masalahni di kelasku sanak sai bakas mak ngedok sai asli anjak suku Lampung.

“ Ikam Bu,…haga nyuba kenalan” cawa Usman.

“ Payu kidah Usman, silahko “ timbal Ibu Gughu

Usman maju agak nagu di depan kelas, ia kenahan liyom. Laju ia cawa.

“Gelaghku Usman, tiyuhku di Tegineneng Lampung Selatan. Ikam dapok cawa Lappung ulih di lingkungan ikam masyarakatni hampigh 80% asli suku Lampung Pubiyan. Jadi walaupun ikam lain suku asli Lappung ikam dapok cutik-cutik cawa Lappung. Ikam sekula dija ulih ikam nengis sekula dija sanakni nalom–nalom, utamani di lom pelajaghan bahasa Lappung. Ikam di laheghko tanggal 5 mei 1990, bittangku Taurus, ikam pak muaghi, ghua bakas ghik ghua sebai, ghik ikam sanak sai nomogh pak. Ikam tinggal di asrama Perwira Rajabasa Bandar Lampung. Ghadu ya…sappai di ja kenalanni, teghima kasih..” 

sanak – sanak sai baghih tekagum–kagum ngeliyak Usman sai pandai cawa Lappung.

Ibu gughu geghing nihan, ulih petunggaan sikam sina nyenangko hati. Sanak-sanak dikelasku geghing neghima pelajaghan bahasa Lappung.

“ Sanak – sanak…, ulih waktuni kak bela sappai di ja pelajaghan bahasa lappung, Insya Allah minggu depan gham tungga luwot, ingok ya… dang lupa belajagh di lamban” cawa Ibu gughu jama sikam.

Mak beni laju bel bebunyi.